corredor1

Contra a autovía do Morrazo

Aí veñen de volta, a facer buraco e botar cemento no monte do Morrazo. Seica por interese xeral. Estase a licitar o desdobramento do Corredor do Morrazo, convertela en autovía. Como ben sabedes xa é unha millonaria estrada que corta a comarca, que a fende sen piedade polos montes nin atenuantes da desfeita, dende Vilaboa a Aldán.

Coiro, no medio, dispón da maior (ou única) fraga do Morrazo, un ben de valor incalculable que será de novo mutilidado.

corredor1

A forma de licitación xa é grotesca. Fan unha enorme e magnífica obra (a falta de ninguna idea mellor) pero non hai cartos nin os haberá. Constrúea gratis unha empresa privada á que lle pagarán ano a ano unha peaxe calculada sobre a circulación mentres dure a concesión. Ocúltase así o custe e se gástase o noso futuro. É simulación de desarrollismo, de que crecemento ilimitado funciona, é o sistema que usa habitualmente a Xunta. A licitación retrasouse varias veces. Poida que as empresas interesadas non teñan claro que haberá un nivel de tráfico suficiente para que sexa rendible, quizais non só os apocalípticos sexamos os únicos que preveamos unha redución do uso do coche privado debido á escaseza e encarecemento da enerxía. Bueno, haberá cláusulas para compensar, tranquilos.

Hai que expropiar bens, moito monte (case sempre rexido comunalmente) polo ben común (decidido polos defensores dos intereses dos veraneantes). Bueno, poida que non creades no inevitable peak oil, e unha redución drástica do uso do transporte. Poida que pechedes os ollos ante a crecente emigración de Galicia, nula natalidade e vacío do rural, que fai que non haxa máis poboación para crecer. Quizais aceptedes o supostamente inevitable proceso de centralización de servizos… nos cintos que circunvalan as cidades e curiosamente esixen máis estradas, cuxo gasto xustifica a necesidade de reducir inversión neses servizos que se centralizan.

FARO MORRAZO

Pois ben, pechamos os ollos ás evidencias e así só podemos concluír que esa autovía non vale para nada! É unha obra inútil.

Só hai atascos uns poucos días ó ano, sempre durante horas punta de acceso ás praias ou por accidentes. Por tanto:

–          Seguirá habendo accidentes, seguirá habendo atascos.

–          A vía actual é tan segura como calquera estrada nacional de dous carrís limitada a 90. Moito máis segura ca estas se consideramos que non ten accesos a vivendas, pasos de peóns, fincas nin nada de nada.

davila141211b

–          Cando se chega por fin á parroquia de Aldán e do Hío (destino praias) chégase a unha rede de pistas rurais estreitas, caóticas,  por onde colle un coche, sen aparcamentos e con casas desordeadas e dispersas, é socialmente inviable aplicar melloras significativas. Quen crea que a Autovía do Morrazo elimina os atascos, está de acordo en eliminar dunas e piñeiros das praias, quitar casas do medio, encher os accesos de rotondas e circunvalacións, de inmensos aparcamentos. Para pagalo, prohíbense os leira-parking, bares, chiringuitos e furanchos, cambiándoos por outros privados, franquiciados e en exclusiva, permitindo encher de casas e hoteis toda a liña costeira convertendo a costa do Morrazo nunha cidade temática vacacional. Esta evolución vai implícita para que a Autovía (que atraerá máis visitantes) consega eliminar os atascos. Alguén presentou así de clariña esa evidencia?

Conclusió, a autovía é destrución e privatización do público e do comunitario, e converternos en servís traballadores temporais para o turismo.

4 opiniões sobre “Contra a autovía do Morrazo”

  1. Muito ânimo, a ver se se consegue parar outra obra desnecessária e contraproducente. Com o petróleo a 114 $ e subindo, quem vai usar a nova autovia quando se de rematado?. E o petróleo está caro porque sendo um bem finito chegou o momento em que já nom é possível extrair cada vez mais, senom que cada vez haverá menos disponível.

    Por se vos resulta útil deixo umha ligaçom a um artigo sobre outro problema das infraestruturas ao que nom se lhe presta muita atençom: as estruturas feitas em cimento, como as pontes, tenhem um tempo de vida limitado, e portanto cumpre ter um pouco de cabeça à hora de construi-las:
    http://www.les-crises.fr/le-cancer-des-ponts/

    1. Gracias, moi interesante o enlace.
      Pois si, coches seguirá habendo, pero será cousa de moi poucos. Así que todo isto non se constrúe para todos senón para uns poucos. Eles pensarán: pobriños que non teñen coches. Nós pensaremos: pobriños que non sobe que é o que realmente importa nesta vida.

Deixe uma resposta

O seu endereço de email não será publicado Campos obrigatórios são marcados *

Você pode usar estas tags e atributos de HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>